THOR STEINAR Marka je wuspěšna a znata w prawicarskej scenje a ma status „kulta“. Zawod „Mediatex“, kiž Thor Steinar předawa, hižo z lěta 2002 eksistuje. Lěta 2008 bě inwestor z Dubaja ­zawod kupił. Marka Thor Steinar a jeje wobchody běchu hižo časćišo w fokusu zjawneho zajima. Husćišo hižo su spytali, prawnisce přećiwo njej postupować . Za marku typiske su dźensa wuhotowanja z tak mjenowanej Gebo-runu a wužiwanje norwegskeje chorhoje. Nordiska mytologija a wosebje hamor boha Thor stej wosebje wažnej elementaj.

CONSDAPLE

Ze stilom loga připodobnja firma swoje logo wědomje marce Lonsdale. Jako bě so mjenujcy Lonsdale započinał za mnohotnosć a tolerancu zasadźować, běchu so prawicarjo wotwobroćili. Consdaple je tutu škałobu na wikach pjelnił. Wažne na mjenje je předewšěm, zo pismiki NSDAP dospołnje w nim widźiš. Nad napisom je často logo, kotryž na nacionalsocialistiskeho worjoła dopomina. Ludźom, kotřiž w tajkej drasće pod wočinjenej kapu chodźa, hrozy chło­stanje.

ANSGAR ARYAN