Budyšin (CS/SN). W Budyskej měšćanskej hali Króna bě zašły pjatk kóžde městno wobsadźene. 147 absolwentow Budyskeje wotnožki Dualneje wysokeje šule Sakskeje je tam zhromadnje ze swojimi staršimi, přiwuznymi a přećelemi swoju eksmatrikulaciju swjećiło. Wot lěta 2023 su młodźi mužojo a młode žony tam studowali.
Dualny studij zwjazuje teoriju z praksu. Tuž běchu runje tak zastupjerjo předewzaćow přitomni, kiž běchu studowacym z praksowym partnerom, ale tež Budyski wyši měšćanosta Karsten Vogt, zapósłanc Sakskeho krajneho sejma Marko Šiman (wobaj CDU) a hospodarski poradźowar Gerald Svarovsky. W běhu zarjadowanja hódnoćachu přitomni aktiwity Šimana za twarski slědźenski centrum kaž tež Karstena Vogta nastupajo pomjenowanje Budyšina jako wysokošulske město.
