Słódke wjeselo a zasowidźenje

Mittwoch, 11. November 2026
Artikel bewerten
(1 Stimme)
Je mjeztym z rjanej tradiciju, zo swjaty Měrćin 11. nowembra pěstowarske a žłobikarske dźěći w Chrósćicach wopyta. Byrnjež wone lětsa w Ralbicach přebywali, su sej předewzali, na tutym wosebitym dnju zhromadnje swojich přećelow a znatych w Domje swjateje Ludmile w Chrósćicach zwjeselić. W Ralbicach běchu lětsa hižo zhromadnje domchowanku swjećili.  Foto: Betina Wenderothowa Je mjeztym z rjanej tradiciju, zo swjaty Měrćin 11. nowembra pěstowarske a žłobikarske dźěći w Chrósćicach wopyta. Byrnjež wone lětsa w Ralbicach přebywali, su sej předewzali, na tutym wosebitym dnju zhromadnje swojich přećelow a znatych w Domje swjateje Ludmile w Chrósćicach zwjeselić. W Ralbicach běchu lětsa hižo zhromadnje domchowanku swjećili. Foto: Betina Wenderothowa

Město do Ralbic su dźěći dźensa rano do Chrósćic jěli

Chrósćicy/Budyšin (SN/BeW). Wulke bě dźensa wjeselo za pjerachow Chróšćan kołća a wobydlerjow Domu swjateje Ludmile w Chrósćicach. Běrtl lěta dyrbi kołć twarskich dźěłow dla hižo bjez swojich małych dźěłaćerjow wuńć a tež w starowni so ludźom pomału za dźěćimi styska. To bě kubłarjam z pohonom, sej dźeń swjateho Měrćina w Chrósćicach zarjadować, rjekny kubłarka Silwana Gruberowa. Tuž so dźěći dźensa rano před tamnišej starownju zeńdźechu a jako tež hišće swjaty Měrćin na swojim konju přijěcha, bě překwapjenka za wšěch ćim rjeńša. Ani dešć ani jěre nowemberske wjedro njejstej pisanu skupinku wottrašiłoj, jako scenu zahra, spěw zaspěwa a na kóncu wězo přikładnje słódkosće dźěleše. Dźěći a wobydlerjo starownje wšak so hižo derje znaja. Hakle njedawno na domchowance bě sej skupinka seniorow do Ralbic dojěła, zo bychu pjerachow wopytali. Snano so jim tež w adwenće mały wulět poradźi, rjekny sobudźěłaćerka domu swjateje Ludmile.

Veröffentlicht in Kubłanje

Galerie

dalši wobraz (1) Štyrilětna Jasna Róža Wjeselic sej ze stolětnej Hertu Hickec całtu dźěli.
Bitte anmelden, um einen Kommentar zu posten
Nowe poskitki LND namakaće w lětušim wudaću Nowinkarja!

Nowinkar 2026-27

Chróšćan Šulerjo

Midas Logo