Měšćanscy radźićeljo wo přichodźe Pastwineje hory debatowali
Kamjenc (BG/SN). Kak ma z jewišćom na Kamjenskej Pastwinej horje dale hić? Wo tymle prašenju su wčera w tamnišej měšćanskej radźe hišće raz horco debatowali. Wšako wuběži wuspěšny koncept wot lěta 1992, zo skupina Puhdys tam sezonu zahaja. Wuchodna rockowa band so, kaž je znate, kónc lěta rozpušći. Kamjenscy zarjadowarjo zhubja tak hudźbny podawk, kotryž je dotal stajnje wokoło swjatkow mnohich přiwisnikow rockoweje hudźby přiwabił.
