Porchow (JK/SN). Zjawny dźěl wčera­wšeho posedźenja zaměroweho zwjazka za wopłóčki Při Klóšterskej wodźe mě­ješe jenički dnjowy dypk, wobzamknyć hospodarski plan za lěto 2016. Hnydom na spočatku radźićel Křesćan Gruhn z gmejny Ralbicy-Róžant namjetowaše, zo by rady hodźinu za wobydlerske naprašowanja do dnjoweho porjada zapřijał. To pak zhromadźeni radźićeljo z wjetšinu hłosow wotpokazachu. Tak njemó­žeše jenički přitomny wobydler swoje naležnosće přednjesć.