André Jakubetz: Terminy sej sčasom zapisać a rezerwować

Mortkow (SN/mwe). Mortkowska Jakubecec twjerdźizna je mnohim za swójbne zarjadowanja přewšo dobra adresa. Tak tam ludźo rady kwasuja a narodniny swjeća, dalši sej z přećelemi a znatymi na kofej wuleća a zaso druzy dadźa sej twjerdźiznowe spektakle lubić.

Mějićel areala André Jakubetz našemu wječornikej praji, zo je koncept zarjadowanjow wosebje na hosći z blišeje wokoliny wusměrjeny. Mortkow dźě leži mjez městnomaj lětnjeju spektaklow, Čornym Chołmcom a Budyšinom, a tak so wudani tež tu zajimawe kulturne podawki dožiwić. Tak wuhotuje tam 2. a 3. septembra Serbski ludowy ansambl Hrodowu nóc, a to mjeztym štwórty raz.