Zhorjelc (AK/SN). Wokrjes Zhorjelc dale młodych ludźi zhubja. „W prěnim rjedźe su to młode žony z dobrej kwalifikaciju, kotrež wokrjes wopušćeja“, podšmórny społnomócnjena wokrjesa za runostajenje Ines Fabisch w swojej rozprawje na minjenym posedźenju wokrjesneho sejmika. „Tomu zadźěwać je wulke wužadanje staršiskim domam, šulam, přede­wzaćam a nic naposledk kóždemu jednotliwcej. Trjebamy inowatiwne koncepty.“ K tomu słuša po słowach Fabisch zaměrna powołanska orientacija.