Chróšćanskaj bratraj bywšu Njebjelčansku pěstowarnju přetwariłoj

Njebjelčicy (HS/SN). Z lońšim přepo­daćom noweje Njebjelčanskeje pěstowarnje steješe gmejna před prašenjom, štočinić z bywšej pěstowarnju. Spěšnje so gmejnscy radźićeljo dojednachu, ju předać a z dochodami nowu pěstowarnju sobu financować. Na wupisanje reagowaštaj Chróšćanskaj bratraj Henry a Marcus Szczepaniak z najwyšim poskitkom. Za něšto dnjow chcetaj wonaj nětko dom z pjeć bydlenjemi nowym podružnikam přepodać. Spočatnje wšak chcychu Chróšćanaj a gmejna w domje tež lěkarsku praksu zaměstnić. Tele předewzaće pak je běrokratiskich a dalšich zadźěwkow dla zwrěšćiło.