Přihotuja znowa wubědźowanje přez błóto a wodu

Mittwoch, 12. April 2017
Artikel bewerten
(0 Stimmen)

Hózk (SN/MWj). Dobry dźesatk zadźěwkow, błóto hač ke kolenam a wjele wje­sela lubi běh z mjenom Blackbirdrun w Hózku, kotryž tam njedźelu, 3. septembra 2017, třeći raz přewjedu. Šěsć kilometrow dołhi parcours podłu Čorneho Halštrowa z 15 njewšědnymi zadźěw­kami dyrbja wobdźělnicy dwójce zmištrować a při tym přez błóto łazyć, krosnować­ a w zymnej wodźe płuwać.

Po prěnimaj wuspěšnymaj lětomaj liča organizatorojo tež tónraz z wjele zahorjenymi wobdźělnikami. Na premjerje bě jich 130 starterow, loni hižo 220. Za lětuše wubědźowanje hižo ni­male sto přizjewjenjow předleži. Hač do 21. awgusta móža so zajimcy přizjewić, a to lětsa prěni raz na internetnej stronje bear-service.de. Startowy popłatk wučinja 20 eurow na wosobu.

Veröffentlicht in Łužica
Bitte anmelden, um einen Kommentar zu posten

Neuheiten LND