Mnozy silwester měrliwje a wjesele swjećili, k njezbožam přiwšěm dóšło

Budyšin/Drježdźany (SN/at/bn). Sakski ministerski prezident Michael Kretsch­mer (CDU) je w swojej prěnjej nowolětnej narěči wobydlerjow kraja wo dowěru a podpěru prosył. Wjelestronski anga­žement za towaršnosć a w swójbje, powołanju­ kaž tež w čestnym zastojn­stwje wuzběhujo wón rjekny: „Twarmy zhromadnje na našim kraju połnym móžnosćow.“­ Nimo toho Kretschmer zwěsći, zo maja hladajo na stupacu ličbu porodow­ „młode swójby Saksku za swoju domiznu a swój přichod“. „Wulke wužadanja­ na polu škita klimy abo wobchada“­ chce knježerstwo wosebje z wu­twarom spěšneho interneta zmi­štro­wać. Serbske temy ministerski pre­­- zi­dent w narěči direktnje narěznył njeje.­

W Budyšinje bě wulki wohnjostroj pod Mostom měra znowa mnohich měšćanow kaž tež hosći přiwabił. Wotrowska młodźina O2 witaše na „Flatrate-silwestersku-party“ hosći na přepjelnjenej starej šuli. Po někotrych lětach přestawki bě zarjadowanje organizatoram wulki wuspěch.