Gmejnscy radźićeljo Łaza so z wjelkami Minakałskeje črjódy zaběrali

Łaz (AK/SN). W normalnym padźe so wjelki w přirodźe čłowjeka zdaluja. „W Sakskej wjelk hišće ženje čłowjeka nadpadnył njeje. Přiwšěm njesměmy jeho podhódnoćić. Wjelk je strašne dźiwje zwěrjo. To dyrbjeli wobkedźbować“, podšmórny referentka Rěčičanskeho kontaktneho běrowa „Wjelki w Sakskej“ Jana Endel na wčerawšim­ posedźenju Łazowskeje gmejnskeje rady.