Nuknica (SN/MWj). Do časa Třicećilětneje wójny přesadźeni čuć budu so woby­dlerjo mjez Kamjencom a Chrósćicami sobotu po jutrach, 7. apryla. Tón dźeń poćahnu čłonojo a sympatizanća towarstwa Hornjołužiskich landsknechtow, zdrasćeni kaž šwedscy wojacy srjedź 17. lětstotka, z Lessingoweho města přez Njebjelčicy, Pančicy-Kukow, Swinjarnju a Chrósćicy hač do Nuknicy. Z Kamjenca woteńdu woni w 9 hodź., do Nuknicy ­zaćahnu něhdźe w 13 hodź.