Wo planje hišće raz wuradźuja

Dienstag, 15. Mai 2018
Artikel bewerten
(0 Stimmen)

Wurjadne posedźenje Njeswačanskeje gmejnskeje rady trěbne

Njeswačidło (JK/SN). Samo na sebi chcychu Njeswačanscy gmejnscy radźićeljo lětuši hopodarski plan měć dawno hižo wobzamknjeny a z blida. Za to měł plan dwójce sydom dnjow zjawnje wupołoženy być. Předwidźany čas pak je so wjacorych swjatych dnjow dla podlěšił. Mjeztym nasta trěbnosć, hišće někotre pozi­cije změnić a doskónčny, korigowany plan nastajić. Dokelž nochcedźa so po słowach wjesnjanosty Gerda Schustera (CDU) komdźić a na dwěmaj posedźenjomaj hłowneho wuběrka kaž tež financneho wuběrka čas brojić, su na zašłym posedźenju gmejnskeje rady wobzamkli, wurjadne posedźenje k hospodarskemu planej 29. meje přewjesć. Potom, tak so nadźijeja, budźe plan w tajkej formje, zo hodźi so Budyskemu krajnoradnemu ­zarjadej k schwalenju zapodać.

Veröffentlicht in Łužica
Bitte anmelden, um einen Kommentar zu posten

Neuheiten LND