Warnuja před wužiwanjom wody

Dienstag, 12. Juni 2018
Artikel bewerten
(0 Stimmen)
Dokelž bě něchtó njeznatu maćiznu do Čornicy sypnył abo kidnył, je w Njezda šanskej plahowarni pstruhow nimale wšón wobstatk rybow zahinył. Te dyrbjachu z wody wućahnyć, prjedy hač móžachu je wotwjezć.  Foto: Rocci Klein Dokelž bě něchtó njeznatu maćiznu do Čornicy sypnył abo kidnył, je w Njezda šanskej plahowarni pstruhow nimale wšón wobstatk rybow zahinył. Te dyrbjachu z wody wućahnyć, prjedy hač móžachu je wotwjezć. Foto: Rocci Klein

W Njezdašecach w Hodźijskej gmejnje je plahowarka pstruhow nimale swój dospołny wobstatk rybow zhubiła. Přičina je nje­znata maćizna, kotraž bě so tam do wody dóstała.

Njezdašecy (SN/MWj). Štož dyrbješe wobsedźerka plahowanskeje připrawy za pstruhi w Njezdašecach minjeny pjatk wječor wuhladać, je jej najskerje dych wotrazyło. W bazenkach při Čornicy, w kotrychž ryby hewak wjesele zaskakuja, płuwachu wone mortwe na powjerchu wody. Přičina pak njeběchu lětnje temperatury. Po wšěm zdaću bě něchtó dale horjeka nje­znatu maćiznu do rěčki sypnył abo kidnył, kotraž dósta so pozdźišo do plahowanskich bazenkow, w kotrychž wobstatk rybow nimale dospołnje zniči.

Veröffentlicht in Łužica
Bitte anmelden, um einen Kommentar zu posten

Neuheiten LND