Ptačecy (SiR/SN). „Lětnja moda zašłych časow“ rěkaše hesło modoweje přehladki, kotruž su wopytowarjo minjenu njedźelu při Ptačečanskej domizniskej stwě dožiwili. Nawodnica domizniskeje stwy Martina Pečikowa je hromadźe z dalšimi lajskimi wuměłcami zestajała wuběr ­drasty, w kajkejž běchu něhdy chodźili. Někotryžkuli kruch za to přewostajichu wjesnjenjo, po tym zo su to a tamne ze swojich kamorow wukramosćili.