Předewzaće YADOS chce so na Narćanskim přemysłownišću powjetšić
Wojerecy (AK/SN). Twarc připrawow za dalnoćopłotnu techniku YADOS tzwr Wojerecy chce swoju městnosć na Narćanskim industrijnišću rozšěrić. To tež Wojerowska měšćanska rada podpěruje. Jednohłósnje radźićeljo na swojim zašłym posedźenju rozsudźichu, předać zawodej 55 000 kwadratnych metrow wulku komunalnu ležownosć za 250 000 eurow. Nimo toho wotzamknje město z firmu zrěčenje wo změnje twarskeho plana, zo móhli přemysłowu přestrjeń do sewjerozapadneho směra powjetšić.