Runohódnych wužadarjow njeje

Donnerstag, 09. August 2018
Artikel bewerten
(0 Stimmen)

Kamjenski wyši měšćanosta Roland Dantz (njestronjan) kandiduje třeći raz za tele komunalne zastojnstwo. Jeho mjeno pak budźe jeničke na hłosowanskim lisćiku stać, hdyž wola wobydlerjo Lessingoweho města 23. septembra nowu­ měšćansku hłowu.

Kamjenc (SN/at). Wozjewjenje wólbneho wuběrka z 20. julija samo čoło radnicy překwapja: Jedyn jenički kandidat nastupi k wólbam wyšeho měšćanosty w Kamjencu, a to mějićel zastojnstwa sam. Při dotalnymaj kandidaturomaj 2004 a 2011 měješe Roland Dantz stajnje třoch kontrahentow. Zdawa so, zo je jeho skut­kowanje na dobro Lessingoweho města tak spomóžne, zo bě stronam a wolerskim zjednoćenstwam w komunje ćežko, runohódnych wužadarjow nańć a namjetować.

Veröffentlicht in Lokalka
Bitte anmelden, um einen Kommentar zu posten

Anzeige