Wětrniki tola njepřińdu

Freitag, 31. August 2018
Artikel bewerten
(0 Stimmen)

Lisćina twarskich projektow w Malešanskeje gmejnje nahladna

Malešecy (CS/SN). Wobydlerjo Rakojd móža wodychnyć. Před jich nosom nětko tola žane milinowe wětrniki twarjene njebudu. To zdźěli wjesnjanosta Matthias Seidel (CDU) na zašłym posedźenju Malešanskeje gmejnskeje rady. Woby­dlerka bě so naprašowała, kajki je tuchwilny staw planowanja. Wolóžena wona zhoni, zo je plan wětrnikoweho parka pola Rakojd, kotryž měješe so do regionalneho plana přiwzać, z blida. To wo­znamjenja, zo bu předwidźany teren jako prioritna kónčina za tónle zaměr šmórnjeny. Wotpohlad, wupisać w regionalnym planje wětrnikowy park, bě mjez wobydlerjemi masiwne protesty zbudźił. Kaž Matthias Seidel rozłoži, móža so wjesnjenjo takrjec Lětońskemu lětanišću dźakować, zo wětrnikowy park do regionalneho plana njepřiwozmu.

Veröffentlicht in Lokalka
Bitte anmelden, um einen Kommentar zu posten

Anzeige