Socialni dźěłaćerjo na wšěch šulach

Montag, 03. September 2018
Artikel bewerten
(0 Stimmen)

Zhorjelc (AK/SN). Wokrjes Zhorjelc swoje prewentiwne młodźinske dźěło zesylnja. To je Elke Drewke, nawodnica młodźinskeho zarjada, na minjenym posedźenju wokrjesneho sejmika připowědźiła. „Hłow­ny zaměr wostanje, samopostajowane wuwiće dźěći, młodostnych a swójbow zesylnić. Při tym nanojo a maćerje ze swojimi dźěćimi identifikaciju z domiznu ze swojej zamołwitosću za přichod re­gio­na zwjazuja. Nošerjo młodźinskeje po­mocy k tomu dźěło wokrjesa podpěruja“, Elke Drewke rozłoži.

Wokrjes dósta lětsa wot swobodneho stata 750 000 eurow jako młodźinsku pawšalu. To wotpowěduje přerězkej mi­nje­nych lět. Zdobom je wo­krjes swój podźěl­ na naprawach wot 1,9 milionow eurow w lěće 2016 a dweju milionow loni­ na nětko 2,2 milionaj powjetšił. „Mamy pjeć planowanskich regionow“, Elke Drewke zdźěli. Cyłkownje 45 połnje přistajenych tuchwilu pola wšelakich no­še­rjow swobodneho młodźinskeho dźěła skutkuje. W Běłej Wodźe a wo­kolinje maja 7,25 městnow, w Niskej a wokolinje 6,75, w Zhorjelcu 10,75, w Lubijskej kónčinje a Hornim kraju wosom a w Žitawje a wokolinje 9,75 městnow.

Veröffentlicht in Lokalka
Bitte anmelden, um einen Kommentar zu posten

Anzeige