Mjeztym hižo sydom lět so Łazowska gmejna prócuje, bywšu Běłochołmčansku šulu na někajke wašnje zaso wužiwać. Wšitke ideje pak zwrěšćichu. Nětko maja zaso raz nowu nadźiju.

Běły Chołmc (AK/SN). Z dobrej powěsću překwapi Łazowski wjesnjanosta Thomas Leberecht (CDU) čłonow gmejnskeje rady na jich zašłym posedźenju. Wuchodoněmska komunalna zawěsćernja je wudawki za škitnu stražu při Běłochołmčanskej šuli dospołnje přewzała. Po dołhim času je tuž jednanje skónčene, kotrež je gmejnu tójšto čuwow płaćiło.