Njebjelčicy (JK/SN). Burski statok na Njebjelčanskim Lipowym puću bě Julia Wroblewscyna ze swójbu loni přewzała. Zo by wjesnjanam a dalšim zajimcam pokazała, što je so tam w běhu lěta wšo změniło, bě wčerawši dworowy swjedźeń dobra móžnosć za rozmołwu a zabawu. Přeprošenje běchu mnozy, wosebje swójby z dźěćimi sćěhowali. Kaž awtowe čisła před dworom přeradźichu, běchu zajimcy samo z Braniborskeje a Drježdźan přichwatali.