Kulturne a kulinariske wosebitosće na Ćišćanskim statoku dožiwili
Ćisk (JT/SN). Mnozy wjesnjenjo kaž tež stajni hosćo z Wojerec a wokoliny su sej minjenu sobotu na kermušu ze swinjorězanjom na Ćišćanski statok dóšli. K lěpšemu požiwanju mjasa a kołbasy zahudźichu připołdnju Rakečanscy dujerscy muzikanća. Mjez wopytowarjemi běštaj Dotzauerec mandźelskaj z Motydła (Weifa) pola Wjazońcy. Wonaj běštaj rano w radiju wo kermuši słyšałoj a so spontanje na puć podałoj.
