W starobje hišće wšědnje na dźěło

Donnerstag, 25. Oktober 2018
Artikel bewerten
(0 Stimmen)
Byrnjež loni hižo 80ćiny swjećił, chodźi Józef Bělk z Pěskec dale wšědnje na dźěło.  Foto: Alfons Handrik Byrnjež loni hižo 80ćiny swjećił, chodźi Józef Bělk z Pěskec dale wšědnje na dźěło. Foto: Alfons Handrik

Pěskecy (aha/SN). W pjatkownej přiłoze našeho wječornika zhonimy w seriji „Rentnar a što potom?“, kak so wuměnkarjo po nastupje renty na najwšelakore wašnje angažuja. Zwjetša wotpowěduja wužadanjam našeho časa a přewozmu čestnohamtske nadawki abo wužiwaja rentnarski čas, sej tu a tam dojěć, wopytać dźiwadłowe předstajenja abo hinaše zarjadowanja. Wjetšina z nich pak wjele čita abo wěnuje so intensiwnišo swojemu hobbyjej, štož do toho snano w tej měrje njemóžachu. Po analyzy Zwjazkoweho statistiskeho zarjada su dźensa starši ludźo tak aktiwni kaž ženje do toho. Kóždy štwórty wuměnkar hišće tři lěta­ dlěje dźěła, hač by to dyrbjał. Štóž pak ma wnučki, wobhladuje jako naj­wažniše so wo nje starać.

Hinak je to pola Pěskečana Józefa Bělka, kiž swjećeše loni 80. narodniny. Dawno drje je docpěł wuměnkarsku starobu. Wšědnje rano napoł šesćich pak jemu budźak kaza, zo je načasu stawać. Ma dźě dypkownje w Rakecach na dźěle być, hdźež skutkuje jako domownik firmy Biberstein. Tež w tajkej wysokej starobje ma hišće dźěłowe zrěčenje.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND