Wučbne srědki nětko čapor

Donnerstag, 01. November 2018
Artikel bewerten
(0 Stimmen)
Nimo knihow, kartow a wobrazow su so wopytowarjo čaporowych wikach w bywšej Chróšćanskej srjedźnej šuli wčera přede wšěm za stare techniske nastroje zajimowali.  Foto: Feliks Haza Nimo knihow, kartow a wobrazow su so wopytowarjo čaporowych wikach w bywšej Chróšćanskej srjedźnej šuli wčera přede wšěm za stare techniske nastroje zajimowali. Foto: Feliks Haza

Do přetwara Chróšćanskeje šule wšitko z łubje wurumowali

Chrósćicy (SN/MWj). Kaž wulět do blišich stawiznow běchu čaporowe wiki, kotrež su wčera dopołdnja tójšto ludźi do bywšeje Chróšćanskeje srjedźneje šule přiwabili. Tam organizowachu druhi raz čaporowe wiki, na kotrež běchu naj­wšelakoriše wučbne srědki za cyle tuni pjenjez na předań. Mjez wopytowarjemi běchu bywši šulerjo a wučerjo runje tak kaž zajimcy z druhich kónčin.

Hižo w prěnjej rumnosći bě wjele widźeć, předewšěm technika, mjeztym runjewon historiska. Tam stejachu mnohim znate polyluxy, jich předchadnik pentascop, projektory za swětłowobrazy, měrjenske nastroje z wučby fyziki, wutykane ptaki a samo mechaniski kopěrowak z dawnych časow NDR. Dale poskićachu cyłe rjadowniske sadźby knihow „Mokrowčenjo“, „Rebel Jan Cuška“, „Hronow“ a dalše. W přichodnej rumnosći ležachu­ njeličomne nasćěnowe karty, mjez druhim jedna wo demokratiskich krajach Europy něhdźe ze 1970tych lět. W třećej rumnosći běchu zběrki bručkow, słowniki, tafle a dalše wučbne srědki widźeć. Samo blida a stólcy běchu w poskitku.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND