Tři Žony su zawěrno jedna z najmjeńšich wsow Hornjeje Łužicy. Ćim bóle ludźo tam hromadźe dźerža. Nětko měješe jedna ze swójbow na dobro cyłeje wsy zajimawu ideju.
Tři Žony (AK/SN). Jenož 35 wobydlerjow a 13 wobydlenych domow słuša do Třoch Žonow we Łazowskej gmejnje. Často pak přijědu dowolnicy, kolesowarjo a stanowarjo. Nětko nastawa tam kulturna bróžnja, kotruž Anke Konz ze swojim mandźelskim Mikeom Jägerom na štyristronskim statoku swojeju staršeju zaměrnje zarjaduje. Mysličku za to zrodźištaj wonaj spočatk tohole lěta.