Njeswačidło (ML/SN). Hodownu pychu – wjace hač 50 pyramidow z rudnohórskimi postawami a małymi božimi narodkami kaž tež palčikami, jandźelemi a hórnikami – pokazuje 40. wosebita wustajeńca Njeswačanskeho domizniskeho muzeja. Budyšan Peter Baaske, zběraćel adwentnych a hodownych ludowuměłskich wudźěłkow, předewšěm pyramidow a postawow wot rudnohórskich rězbarjow z časa NDR, je 49 požčonkow za přehladku přewostajił.