Lětuše poslednje zjawne posedźenje Budyskeje měšćanskeje rady bě wčera popołdnju poměrnje spěšnje nimo, a to bjez přestawki.

Budyšin (SN/mwe). Najwjace z předležacych wobzamknjenskich namjetow su radźićeljo jednohłósnje wobzamkli. Byrnjež wšitke městna hosći – samo šulska rjadownja bě přišła – wobsadźene byli, njeje so ani jenička wosoba tež po na­prašowanju dr. Roberta Böhmera (nje­stronjan) słowa jimać chcyła. Böhmer schadźowanje měšćanskeje rady nawjedowaše, dokelž bě wyši měšćanosta Alexander Ahrens (SPD) schorjeł.