Rakečanska gmejna hospodari dale z wurunanym etatom

Rakecy (JK/SN). Swoje lětuše wulke předewzaća móže Rakečanska gmejna wotnětka na wobkrućeny hospodarski plan złožować. Na wčerawšim posedźenju je wjetšina gmejnskich radźićelow lětušemu etatej přihłosowała. Z jenož dwěmaj napřećiwnymaj hłosomaj je wón tuž płaćiwy. Hižo loni w nowembru běchu prěni naćisk rozjimali a jón spočatk lěta zjawnje wupołožili. Hač do wčerawšeho njeje žanych dodawkow abo namjetow ke korekturam abo wudospołnjenjam dóšło.