Přikładaj nowych strukturow z Großenhainskeho kraja a Lipska bě tema zawčerawšim w Smochćicach, z kotrejž tam rjad lětušich póstnych seminarow zakónčichu.

Smochćicy (CRM/SN). Na třeći wječor lětušich Smochčanskich ekumeniskich póstnych seminarow běštaj jako referentaj přeprošenaj ewangelski farar Sebastian Zehme z wulkowosady Großenhain kaž tež dr. Michael Funke z Lipska jako multiplikator za bazowu wosadu swj. Jadwigi w južnym dźělu wulkomětsta.