Brězowka (AK/SN). Mjeztym hižo 33. raz wotměje so přichodny kónc tydźenja Neptunowy swjedźeń při Brězowskim (Halbendorf) jězoru. „Je to na tradicije najbohatši a najwjetši wodowy swjedźeń Łužicy. Běchmy prěni, kotřiž su tajki organizowali“, wuzběhnje předsyda kulturneho towarstwa Brězowski jězor Sebastian Bertko. „Za nas jako zarjadowarja je to hromadźe z natwarom a wottwarom šěsć intensiwnych dnjow za cyłu našu wjes.“