Sport (19.07.19)

Freitag, 19. Juli 2019
Artikel bewerten
(0 Stimmen)

Njedźelu na serbski supercup

Sportowa jednotka Njebjelčicy budźe njedźelu hosćićel 3. serbskeho supercupa – turněra ze štyrjomi serbskimi koparskimi mustwami. W 14.30 hodź. hraja w prěnim połfinalu ST Marijina hwězda – Sokoł Ralbicy/Hórki a wot 15.25 hodź. SJ Chrósćicy – SJ Njebjelčicy. Hra wo třeće městno započnje so něhdźe w 16.25 hodź., finale budźe wokoło 17.25 hodź. Kóždy duel je na 45 mjeńšinow postajeny.

Satkula póndźelu w Pančicach

Bičwolejbulowa tura Radija Satkula wuhraje póndźelu w Pančicach-Kukowje swój štwórty turněr. Cyłki zetkaja so w 17.45 hodź. a hraja wot 18 hodź. Dalše terminy: 29.7. Kulow, 5.8. Worklecy, 12.8. Konjecy a 19.8. Budyšin. Wulke fi­nale budźe 26.8. w Miłoćicach.

1. sakske e-sport mišterstwa

Sportowe towarstwo Natwar Němske Pazlicy přewjedźe 10. a 11. awgusta prěnje sakske e-sport mišterstwa, sportowe wubědźowanje z hrajnymi konsolemi. Za tu­te změja w sportowym centrumje w Němskich Pazlicach 16 telewizorow, wjacore playstation-4-konsole a 32 controllerow spřihotowanych. Štóž chce sobu­ hrać, móže so e-mailnje pod přizjewić. Hłowne myto budu 350 eurow. Tež dwójki smědźa startować. Na prašenja wotmołwi zamołwity pod 01 52 / 31 96 38 95.

Konjacy sport w Hórkach

W Hórkach je konjace sportowe towarstwo „Při Klóšterskej wodźe“ Pan­čicy-Ku­kow 21. a 22. septembra wospjet wu­hotowar a zarjadowar wul­keho jěchanskeho a skakanskeho turněra w mnohostronskim jěchanju. Budźe to mjeztym 26. wubědźowanje.

Koparske testowe hry

19.07. 18.30 ST Porchow – Chrósćicy

20.07. 11.00  Rakečanske ST –

  Jednota Kamjenc

20.07. 14.00  Sokoł Ralbicy/Hórki –

  ST Fortuna Trjebin 1996

20.07. 14.00  Drježdźany Laubegast –

  Budissa Budyšin

Veröffentlicht in Sport
Bitte anmelden, um einen Kommentar zu posten

Anzeige