Hotuja so na dalše wubědźowanje

Freitag, 30. August 2019
Artikel bewerten
(0 Stimmen)
Nowa Njebjelčanska gmejnska rada je so wčera w Miłoćicach ke konstituowacemu posedźenju zešła.  Foto: Jan Kral Nowa Njebjelčanska gmejnska rada je so wčera w Miłoćicach ke konstituowacemu posedźenju zešła. Foto: Jan Kral

Miłoćicy (JK/SN). Po lětušich komunalnych wólbach w meji je so nowowuzwolena Njebjelčanska gmejnska rada wčera w Miłoćicach skonstituowała. Spočatnje wjesnjanosta Tomaš Čornak (CDU) ra­dźićelow spřisaha. Wšitcy činjachu to w serbšćinje z dodawkom „Z Božej pomocu“. Mjez nowymi dwanaće radźićelemi su tři žony.

Jako prěnje mějachu wuzwolić zastupowaceho wjesnjanostu. Pěskečan Křesćan Žur, kiž bě zastojnstwo wjele lět wukonjał, njebě k wólbam hižo nastupił. CDU jako najsylniša frakcija w parlamenće namjetowaše Tomaša Klara. Dokelž dalšich namjetow njebě, wuzwolichu jeho za přichodneho zastupowaceho wjesnjanostu gmejny Njebjelčicy. Dale wu­zwolichu radźićeljo pjećoch ze swojich rjadow do hłowneho a šesćoch do techniskeho wuběrka. Tež dweju zastupjerjow gmejny do zhromadźizny zarjadniskeho zwjazka Při Klóšterskej wodźe su wčera wuzwolili.

Veröffentlicht in Lokalka
Bitte anmelden, um einen Kommentar zu posten

Anzeige