Běh z wutrobu słuži lětsa šulam

Freitag, 20. September 2019
Artikel bewerten
(0 Stimmen)

Wjace hač dwaj tysac gymnaziastow je dźensa koło po kole na tartanowej čarje na Budyskej Młynkec łuce běžało. Šulerjo běchu so na akciji „Běh z wutrobu“ wobdźělili.

Budyšin (SN/MiR). Mjeztym wuhotuje Budyska Ludowa banka 15. króć běh šulerjow-gymnaziastow pod hesłom „Běh z wutrobu“. Lětsa wobdźělichu so na zarjadowanju, kotrež dźensa na Młynkec łuce wotměchu, šulerjo 5. do 13. lětnika. Nimo Biskopičanskeho a Wjelećanskeho gymnazija běchu z Powołanskošulskim centrumom za hospodarstwo a techniku, Schillerowym, Melanchthonowym a Serbskim gymnazijom (SGB) tež štyri Budyske kubłanišća zastupjene. Wučer SGB Měrko Korjeńk je za serbske kubłanišćo přizjewił něhdźe 200 šulerjow, kotřiž su koło po kole po tartanowej čarje běželi. „Mamy akciju za dobru. Wšako sylnja wona socialny angažement a ma zdobom strowotniski aspekt“, rjekny nawoda­ Serbskeho gymnazija René Wjacławk.

Veröffentlicht in Sport
Bitte anmelden, um einen Kommentar zu posten

Anzeige