Zhromadny projekt zakónčeny

Mittwoch, 02. Oktober 2019
Artikel bewerten
(0 Stimmen)
Hromadźe z Radworskimi dźěćimi přetřihachu Michael Harig, Steffan Brangs, Wincenc Baberška a Doris Drescher (wotlěwa) na dotwarjenym  Radworskim křižowanišću symboliski banćik.  Foto: Carmen Schumann Hromadźe z Radworskimi dźěćimi přetřihachu Michael Harig, Steffan Brangs, Wincenc Baberška a Doris Drescher (wotlěwa) na dotwarjenym Radworskim křižowanišću symboliski banćik. Foto: Carmen Schumann

Po křižowanišću před Radworskim kěrchowom zaso awta jězdźa

Radwor (CS/SN). W přitomnosći něhdźe 50 wobydlerjow a po wjace hač jednym lěće twarskeho časa su wčera popołdnju křižowanišćo před Radworskim kěrchowom zjawnosći přepodali. Bě to zhromadny projekt krajneho zarjada za dróhotwar a wobchad (LASuV), Budyskeho wokrjesa, gmejny, ENSO a zamołwitych za wodu a wopłóčki. Kaž wčera wuzběhnychu, dyrbješe twarska firma jenož jenički tydźeń přestawki zapołožić a je zdźěla w dwěmaj změnomaj dźěłała.

Statny sekretar Steffan Brangs (SPD), krajny rada Michael Harig, wjesnjanosta Wincenc Baberška (wobaj CDU) kaž tež Doris Drescher wot LASuV chwalachu sej sćerpliwosć wobydlerjow, kotřiž běchu swoje wjetše a mjeńše starosće z twarskej firmu njeběrokratisce rozrisali. Baberška zhladowaše hižo na dalše twarnišća. Tak měła statna dróha S 197 do Łahowa nowu asfaltowu worštu dóstać. A w Radworju dyrbjeli wotrězk wot šule hač k nawsy tohorunja ponowić. Nimo toho so wón wjeseleše, zo je za klětu wutwar hłowneho puća w Měrkowje planowany.

Veröffentlicht in Lokalka
Bitte anmelden, um einen Kommentar zu posten

Anzeige

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl