Stare serbske spěwy online (15)

Mittwoch, 16. Oktober 2019
Artikel bewerten
(0 Stimmen)
Jadwiga Kaulfürstowa a jeje mandźelski Fabian mataj nowy zhromadny projekt: stare  serbske ludowe spěwy internetnje spřistupnić.  Foto: Melanie Bulankowa Jadwiga Kaulfürstowa a jeje mandźelski Fabian mataj nowy zhromadny projekt: stare serbske ludowe spěwy internetnje spřistupnić. Foto: Melanie Bulankowa

Štó a što tči za serbskimi projektami, kotrež buchu we wobłuku wubědźo­wanja Sakskeho fondsa „Čiń sobu!“ myto­wane? W lětušim serialu Serbskich Nowin chcemy je předstajić.

Hač spěwna skupina Wólbernosće, w kotrejž hižo nimale 25 lět hromadźe skut­kujetaj, hač skupina Přezpólni, kotruž wón nawjeduje abo chór Lipa, kotryž wona nawjeduje – Jadwiga Kaulfürstowa a jeje mandźelski Fabian staj hižo lěta dołho kruta instanca na polu spěwneho hibanja w Serbach. Nětko dźěłataj hromadźe na nowym projekće, kotryž njeje w prěnim rjedźe na připosłucharjow wusměrjeny, ale na spěwarjow. „Stare serbske ludowe spěwy online“ je titul a program projekta, kotryž fond „Čiń sobu!­“ z 5 000 eurami spěchuje.

„Jara so nad projektom wjeselu. Hižo za šulski čas sym so za stare ludowe pěsnje­ zajimował, to je mój konik. Lěta dołho sym wo tym sonił, je wobdźěłać. Je super wěcka, zo móžemoj to nětko zhromadnje z Jadwigu zwoprawdźić“, so dr. Fabian Kaulfürst wjeseli.

Veröffentlicht in Lokalka

Galerie

dalši wobraz (1)
Bitte anmelden, um einen Kommentar zu posten

Anzeige