Česćownosć před dźěłom hatarjow

Montag, 21. Oktober 2019
Artikel bewerten
(0 Stimmen)
Sobotu su sobudźěłaćerjo Ringpfeilec hatarstwa a dalši pomocnicy ryby z Balakec hata pola Złyčina wułójili. Zo njeje to runjewon najlóše dźěło, su hosćo zbliska a zda loka znowa na nazorne wašnje wobkedźbować móhli.  Foto: Andreas Kirschke Sobotu su sobudźěłaćerjo Ringpfeilec hatarstwa a dalši pomocnicy ryby z Balakec hata pola Złyčina wułójili. Zo njeje to runjewon najlóše dźěło, su hosćo zbliska a zda loka znowa na nazorne wašnje wobkedźbować móhli. Foto: Andreas Kirschke

Wułójenje rybow z Balakec hata je wo­py­towarjow zbliska a zdaloka do Złyčina přiwabiło.

Złyčin (AK/SN). Tradicionalne wułójenje rybow z wulkeho Balakec hata w Złyčinje (Litschen) je wažny přinošk k regional­nemu zwičnjenju. To podšmórny jednaćel Ringpfeilec hatarstwa Karsten Ring­pfeil na sobotnym wułójenju. Mjeztym 18. króć su tam kóždolětny spektakl wotměli. Runje tak dołho wobsteja tež łužiske rybowe tydźenje. „Na nich so wobstajnje wobdźělamy“, rjekny Karsten Ring­pfeil. „Dźe wo to, regionalne hódnoty tworić. Plahować łužiskeho karpa je jedna z najmjenje wobswět poćežowacych a najbóle znjesliwych formow plahowanja rybow po wšěm swěće.“ Přede­wšěm wułójenje pokazuje na ćežke dźěło hatarjow a rybarjow, zdobom pak tež na mnohotnosć domjacych wudźěłkow. Partnerojo kaž Tobias Kockert ze swojim ratarskim zawodom Krabatowy mlokowy swět w Koćinje, pjekar při Hórnikečanskim jězorje Willi Bleschke a pčołarjej Dennis Wutzke a Maik Hanske ze Šćeńcy (Steinitz) su hatarjow sobotu ze swojimi předawanišćemi podpěrali. Žony ze Złyčina a wokoliny běchu tykancy napjekli.

Veröffentlicht in Lokalka
Bitte anmelden, um einen Kommentar zu posten

Anzeige