Dwěsćě lět stare kładźite twarjenje z Wochoz krok po kroku a z wulkej čućiwosću restawruja
Ćmowe kaž ebenowe drjewo abo tola radšo w měšeńcy z palizandrom? Z tajkimi nadrobnymi prašenjemi zaběraja so w Dźěwinskim (Groß Düben) ćěsliskim zawodźe Haralda Röscha. Drjewo- a třěchitwarske předewzaće ma nadawk, Šwjelowu bróžnju z Wochoz (Nochten) po pomnikoškitnych předpisach restawrować. Jako pospyt su sobudźěłaćerjo někotre deski rozdźělnje wobarbili. Tak móža sej na restawraciju specializowany planowar Dirk Böhme, farar Daniel Jordanov a čłonojo Wochožanskeho towarstwa Šwjelowa bróžnja lóšo předstajić, kak jednotliwe barby skutkuja.
Cyły rozměr škodow widźeć