Kamjenc (SN/mwe). Generalny społnomócnjeny pomocneje organizacije maltezow Karl Prinz zu Löwenstein je minjeny štwórtk zjawnje zdźělił, zo změje předań chorownjow maltezow tež w Kamjencu a Zhorjelcu lědma wuskutki za tam přistajenych. Wšitke dźěłoprawniske poměry wostanu, a wot zajimowanych kupcow wočakuja maltezojo nětko konkretne poskitki. Kaž zu Löwenstein tohorunja informuje, njeje žaneje alternatiwy k předani lěkowarnje. Wšako je tež pomocnym organizacijam dale a ćešo chorownje financować.