Kašecy (SN/JaW). Młodźina w Pančicach-Kukowje chcyła rady někotre rumnosće wot tamnišeje gmejny měć, zo móhła sej swój klub w nich zarjadować. Tule próstwu přednjese na njedawnym posedźenju gmejnskeje rady Pančicy-Kukow w Kaščanskim wjacezaměrowym domje jeje radźićel dr. Joachim Kokla. „Młodostni su mje narěčeli, tuž dam próstwu gmejnskej radźe dale“, Pančičan rjekny.