Zetkanje z wulkim wjeselom

Freitag, 06. Dezember 2019
Artikel bewerten
(0 Stimmen)
Chór zakładneje šule a šulerjo 3. a 4. lětnika zawjeselichu wčera seniorow Chróšćanskeje gmejny ze spodobnym a wotměnjawym programom.  Foto: Feliks Haza Chór zakładneje šule a šulerjo 3. a 4. lětnika zawjeselichu wčera seniorow Chróšćanskeje gmejny ze spodobnym a wotměnjawym programom. Foto: Feliks Haza

Třeći raz bě Chróšćanski wjesnjanosta Marko Kliman (CDU) seniorow a seniorki na adwentničku přeprosył.

Chrósćicy (SN/MiR). Na wšě 65 žonow a mužow ze wsow Chróšćanskeje gmejny njehladaše kazanja a wjeseleše so na zabawne hodźiny wčera popołdnju w „Jednoće“. „Tele zetkanje je wulkotna wěc. Rozmołwjamy so ze znatymi wo zajimawostkach w gmejnje. Tajke zetkanja dźě w běhu lěta přehusto nimamy“, rjekny Chróšćan Jan Macka. Marja Domašcyna z Hórkow měnješe: „Zetkanje dyrbiš wužić, wšako maš tu składnosć z mnohimi bjesadować. Nimo toho tež wjesnjanosta rozprawja, što je so w gmejnje stało.“

Chór zakładneje šule a šulerjo 3. a 4. lětnika zawjeselichu přitomnych z ni­male třištwórćhodźinskim programom. Přednjesechu lóštne spěwy, basnje, hudźachu na instrumentach a předstajichu skeč. Nawodnica chóra Marhata Korjeńkowa, wučerka Ludmila Donatowa a šulski nawoda Měrko Šmit běchu jim poboku. To hódnoćeše publikum z mócnym aplawsom, a Marko Kliman so kóždemu dźěsću z małym darikom podźakowa.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND