Kulowska cyrkej zaso do słužby stajena

Montag, 09. Dezember 2019
Artikel bewerten
(1 Stimme)
Ponowjenu Kulowsku katolsku wosadnu cyrkej su minjeny pjatk wječor z nutrnosću zaso do słužby  stajili.  Foto: Andreas Kirschke Ponowjenu Kulowsku katolsku wosadnu cyrkej su minjeny pjatk wječor z nutrnosću zaso do słužby stajili. Foto: Andreas Kirschke

Kulow (AK/SN). Po štyrjoch měsacach přestawki móža Kulowscy katolscy wěriwi swoje Bože mšě zaso w farskej cyrkwi swjećić. Z nutrnosću – po zakónčenju druheho twarskeho wotrězka – je tamniša wosada cyrkej minjeny pjatk wječor zaso do słužby stajiła. Zhorjelski biskop Wolfgang Ipolt dźakowaše so za pilnosć, prócu a swědomitosć kaž tež za njesměrnu wutrajnosć při wobnowjenju Božeho domu. Hižo loni běchu tepjenje modernizowali, cyrkwine ławki restawrowali a špundowanje ponowili kaž tež wołtarnišćo powjetšili. Lětsa w juliju zahajichu druhi twarski wotrězk. Cyrkej dósta nowe barbne wuhotowanje, kotrež jeje gotiski charakter wuzběhuje. Nimo toho instalowachu nowu swěcu a zwukowu techniku. Nastajili su tohorunja nowy ambo (čitanski pult) z łužiskeho zornowca. Namjet za to mějachu křižerjo. Woni darichu za njón pjenjezy z kolekty swojich jutrownych rańšich kemšow. „Za dupu smy cyle nowe městno wuhotować dali“, rjekny­ wjelelětny čłon cyrkwinskeje rady Pětr Šołta.

Veröffentlicht in Lokalka
Bitte anmelden, um einen Kommentar zu posten

Anzeige