W Budyskim staroměšćanskim dźělu Židow su na bydlenskim domje Jana Arnošta Smolerja a ródnym domje Marka Smolerja kaž tež na Židowskej šuli wopomnjenskej tafli připrawili.
Budyšin (SN/mwe). Na iniciatiwu 20 čłonow ličaceje skupiny angažowanych wobydlerjow Židowa, wosebje pak tam tež bydlaceje rodźeneje Chróšćanki Cordule Rudolfoweje, chcedźa so serbskim korjenjam wěnować. Z teje přičiny sej předewzachu, z wopomnjenskimi taflemi a dosć wobšěrnym serbskim rozpominanskim tekstom na nich na wuznamnych serbskich prócowarjow a wótcow spominać.
