Za wjac zelenje a za lěpše nadróžne wobswětlenje
Trjebin (AK/SN). Gmejna Trjebin chce pawšalu Swobodneho stata Sakskeje za skrućenje wjesnych kónčin dale zaměrnje zasadźeć. K tomu je so gmejnska rada na swojim wčerawšim prěnim wuradźowanju lěta 2020 w Trjebinje wuznała. Jednohłósnje gremij wobzamkny, něhdźe 1 500 eurow za narunanske sadźenje lipow při wjesnym puću do směra na wotbóčku k Žorawjacemu pućej nałožić. Dotal njepřetrjebane srědki ze zańdźeneju dweju lět we wobjimje 40 000 eurow přenjese gmejna do lěta 2020. Z cyłkownej sumu móže wona za ponowjenje nadróžneho wobswětlenja trěbne financne srědki zawěsćić.
