Gmejna Rakecy hižo nětko hospodarski plan schwaliła
Rakecy (JK/SN). Po prěnim rozjimanju naćiska lětušeho hospodarskeho plana loni w nowembru běchu naćisk w decembru na Rakečanskej gmejnje wupołožili. Dokelž njejsu žane namjety k změnje abo dodawki dóšli, móžachu radźićeljo na swojim wčerawšim posedźenju wustawki za lětuši plan schwalić. Do toho předčita wjesnjanosta Swen Nowotny (CDU) zaměr a wobsah plana a nawodnica financneho zarjada gmejny Franziska Pfeiffer přednjese přitomnym róžkowe daty naćiska.