Kulow (AK/SN). We wulkej nuzy je Kulowčanka před tydźenjemi njewočakowanu pomoc nazhoniła. Hišće dźensa je Lilli Altnickel cyle rozbudźena, hdyž wo podawkach loni spočatk decembra powěda. „Z přećelemi sym swoje 85. narodniny swjećiła a nazajtra doma wšitko zrumowała“, rozprawja rentnarka, kotraž we wjaceswójbnym domje na Ticinowym naměsće byli. Prjedy hač wječor do łoža dźěše, chcyše w kuchni hišće něšto pić, ale při tym padny. „Sym někak njezbožownje z nohu knyknyła, tak zo mje lěwe koleno boleše. Pónoj bě nałamana a lěwe ramjo bě tohorunja zranjene.“