Planuja nowe parkowanišćo za nakładne awta

Montag, 10. Februar 2020
Artikel bewerten
(0 Stimmen)

Tři Hwězdy (CK/SN). Za přemysłownišćo w Třoch Hwězdach ma so twarski plan nastajić. To je Hodźijska gmejnska rada na swojim zašłym posedźenju z jednym wzdatym hłosom wobzamknyła. Budyska firma za twarske transporty a posłužby chce tam parkowanišćo za nakładne awta twarić. Teren bywšeje hlinoweje jamy mjez statnymaj dróhomaj S 106 a S 111 bu hižo rekultiwowany a jako skład wužiwany.

W planje wužiwanja ležownosćow ­Hodźijskeje gmejny je płonina hižo lěta jako „wočakowana přemysłowa kónčina“ zapisana. ­„Hižo tehdy běchu perspektiwisce myslili“, rjekny nawoda techniskeho zarjada gmejny André Laue. Komuna móhła z twarskim ­planom porjadne ­měšćanskotwarske wuwiće zaručić. Nimo toho by takrjec ­twarske prawo za wšitkich wobydlerjow nastało. Dotal bě jara ćežko we wonkownym wobłuku samo za garažu twarsku dowolnosć dóstać, měnjachu wjacori gmejnscy radźićeljo Hodźija.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND