W běhu tydźenja rozsudźa w Sakskej, hdy šule zawru
Drježdźany/Budyšin (SN/JaW). Coronawirus so tež w Hornjej Łužicy dale rozpřestrěwa, a nowe ličby, powěsće a naprawy nimale hodźinsce dochadźeja. Dotal je w Budyskim wokrjesu 19 ludźi inficěrowanych, rěka ze strowotniskeho zarjada wokrjesa. Ličba postajenych karantenow je so na 400 zwyšiła. Nimo toho je so krizowy stab wokrjesa zetkał.
