„Sherlock Holmes“ so přizjewja

Freitag, 03. April 2020
Artikel bewerten
(0 Stimmen)

Němsko-Serbske ludowe dźiwadło hotuje so na lětnju sezonu. Za 25. Budyske dźiwadłowe lěćo budu zastupne lisćiki wot 4. apryla na předań. Skazać pak móža sej je zajimcy jeničce online abo telefonisce.

Budyšin (SN). Tradicionelnje zahaji Budyske NSLDź swoju lětušu předawansku sezonu za lětnje dźiwadło „Sherlock Holmes“ a to 4. apryla, dypkownje w 11 hodź. Cyle po tradiciji wšak to njebudźe, prěni króć mjenujcy wotměje so wšitko bjez publikuma. Přiwšěm so sobudźěłaćerjo dźiwadła nadźijeja, zo mnozy zajimcy akciju live w interneće sćěhuja, mjez druhim na stronje www.theater-bautzen.de. Wot 10.45 hodź. móža woni wšitko sćěhować. Tež Sherlock Holmes (Richard Koppermann) und Dr. Watson (Měrko Brankačk) budźetaj pódla a mataj někotružkuli překwapjenku přihotowanu. Po wutřělu z kanony NSLDź potom kartki online pod www.theater-bautzen.de a telefonisce pod čisłom 03591/584 225 předawa kaž tež rezerwuje. Kasa njeje tuchwilu powšitkownych postajenjow Sakskeje za wobmjezowanje koronawirusa dla wotewrjena.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND