Nowonastajene wjesne a měšćanske tafle su w jenakej wulkosći popisane, dlěšodobnje pak wšitke wuměnja
Němčina a serbšćina stej we Łužicy runohódnej rěči. Wotpowědnej zapiskaj namakamy we wustawomaj Braniborskeje kaž tež Sakskeje. W praksy to mjez druhim woznamjenja, zo maja zjawne zarjadnišća, zastanišća zjawneho wobchada a pućniki dwurěčnje popisane być. Tele předpisy zwoprawdźić je proces, z kotrymž na wšelakorych runinach rozdźělnje wobchadźeja.