Pančicy-Kukow (aha/SN). Na swojim posedźenju minjeny štwórtk zaběraše so gmejnska rada Pančicy-Kukow z wjacorymi twarskimi naležnosćemi. Mjez druhim schwalichu radźićeljo přetwar a saněrowanje tamnišeje zakładneje šule kaž tež přitwar k wobstejacej Netto-kupnicy. 17 młodym swójbam pak chcedźa w komunje zaručić, zo sej swójski dom natwarja, a to na 2,2hektarskej pře­strjeni mjez Dróhu Ćišinskeho a Srjedźnym pućom za tamnišej tankownju.